Opnunarhátíð Veltis um helgina

Sjáðu glæsilega nýja þjónustumiðstöð

Elskar þú græjur? Komdu á opnunarhátíð glænýrra höfuðstöðva Veltis, Volvo atvinnutækjasviðs Brimborgar, laugardag og sunnudag frá 12-16 að Hádegismóum 8 í Árbæ. Um helgina verður einnig stórsýning á Volvo atvinnubílum og atvinnutækjum. 

Stórglæsileg, vel tækjum búin Volvo þjónustumiðstöð

Glæsilegt nýtt húsnæði Veltis er sérhannað fyrir þjónustu við Volvo atvinnubíla og atvinnutæki með það að markmiði að bjóða upp á framúrskarandi þjónustu við viðskiptavini og þægilega aðkomu. Í húsakynnunum er glæsilegasta og best tækjum búna verkstæði landsins ásamt fullkomnu vöruhúsi og bestu mögulegu vinnuaðstöðu fyrir starfsfólk. Staðsetningin að Hádegismóum 8 er frábær í útjaðri Reykjavíkur þar sem aðgengi frá stofnbrautum er mjög gott og nóg rými utandyra.

Fullkomnar gryfjur og tæknilegur turn

Með nýrri þjónustumiðstöð voru tekin upp ný vöruhúsa- og strikamerkjakerfi ásamt 11 metra háum vöruturni sem gerir allt varahlutaflæði framúrskarandi. Í turninum eru núna um 4.000 vörur og með tímanum skynjar turninn vinsælustu vörurnar og raðar þá hillum með vinsælustu vörunum næst opi turnsins og flýtir þannig fyrir varahlutaflæði.

Á verkstæðinu eru viðgerðagryfjur af fullkomnustu gerð. Ein þeirra er útbúin einum fullkomnasta bremsuprófunarbúnaði sem völ er á markaðnum. Í þessari sömu gryfju eru einnig öflugar hristiplötur sem gera okkur kleift að sjá betur slit í hjólabúnaði vörubifreiða. Kemur þessi búnaður til með að virka vel með fullkomnum hjólastillingarbúnaði sem þjónustumiðstöðin hefur nýlega tekið í notkun.

Veltir Xpress og Frumherji

Í nýrri þjónustumiðstöð Veltis verður auk Volvo umboðsþjónustu: Veltir Xpress, ný hraðþjónusta við atvinnubíla af öllum stærðum þar sem boðið verður upp á smurþjónustu, vagna-og bremsuviðgerðir ásamt dekkjaþjónustu. Fumherji með sérhæfða skoðunarstöð fyrir allar gerðir atvinnubíla.

Komdu um helgina

Opnunarhátíð Veltis og stórsýning á Volvo atvinnubílum og atvinnutækjum er bæði laugardag og sunnudag frá 12-16 að Hádegismóum 8 í Árbæ. Hlökkum til að sjá þig!