Flýtilyklar
Allt um Velti
Veltir sér um þjónustu og sölu fyrir Volvo atvinnubíla og tæki ásamt Renault atvinnubíla.
Hágæða merki hjá Velti
Veltir býður eingöngu hágæða merki í atvinnubílum og atvinnutækjum til kröfuharðra viðskiptavina. Veltir er umboðsaðili á Íslandi fyrir Volvo vörubíla, Renault vörubíla, Volvo vinnuvélar, Volvo rútur, Volvo Penta bátavélar, Dieci skotbómulyftara, Humus sturtuvagna, Reisch tengivagna, margvíslegar ábyggingar og Hiab hleðslukrana. Að auki býður Veltir sérhæfðar ábyggingar og búnað og tryggir þannig heildarlausnir fyrir viðskiptavini sína.
Veltir er í eigu Brimborgar. Allar frekari upplýsingar má finna hér: Upplýsingar um Brimborg
Við hjá Velti erum:
Árangursdrifin
Við viljum að viðskiptavinir okkar nái framúrskarandi árangri eins og við.
Lausnamiðuð
Við hlustum á viðskiptavini og samstarfsmenn og nýtum hæfileika okkar
til að finna bestu lausnirnar hratt og vel.
Frumkvöðlar
Við erum forvitin, óhrædd við breytingar, hugrökk, víðsýn, lærum af
mistökum og gleðjumst yfir árangri.
Ástríðufull
Við erum stolt af starfi okkar, sinnum því glöð, af virðingu og trúmennsku
með gagnsæi og traust að leiðarljósi.
Snyrtileg
Við leggjum áherslu á að ganga ávallt snyrtilega um, höfum snyrtilegt
í kringum okkur og erum snyrtileg til fara.
Panta tíma á verkstæði | Senda fyrirspurn
Þú getur pantað tíma á verkstæði Veltis eða sent okkur fyrirspurn.
Við svörum öllum fyrirspurnum um hæl.
Nafnið Veltir
Veltir er nýtt nafn fyrir Volvo atvinnutækjasvið Brimborgar. Nafnið Veltir hefur skemmtilega tengingu við Volvo sem sækir merkingu í latneska orðið „volvera“ sem þýðir „ég rúlla“. En hvers vegna varð nafnið Veltir fyrir valinu?
Í fyrsta lagi var nauðsynlegt að aðgreina starfsemi Volvo atvinnutækjasviðs frá Brimborg við flutning á nýjan stað svo ekki yrði misskilningur um hvar annars vegar fólksbílastarfsemi Brimborgar yrði til húsa og hins vegar atvinnutækjastarfsemin. Nafnið hefur líka þessa skemmtilegu tengingu eins og áður segir, er stutt og laggott en hefur líka sögulega tengingu við Volvo á Íslandi. Sumarið 1988 tók Brimborg yfir starfsemi Volvo á Íslandi, bæði fólksbílastarfsemina og atvinnutækja sem þá var rekið undir nafninu Veltir og sameinað Brimborg.
Síðan hefur mikið vatn runnið til sjávar, starfsemi Brimborgar á fólksbílasviði aukist umtalsvert samhliða miklum vexti hjá Volvo atvinnutækjum. Því var kominn tími á stækkun húsnæðis og flutning og eins og áður segir, mikilvægt að aðgreina starfsemina. Því var tilvalið að líta til sögunnar og sækja þangað nýtt nafn, Veltir.
