Flýtilyklar
Stórum áfanga náð! Rafmagnsflutningabílar Volvo hafa ekið 250 milljón kílómetra
Rafmagnsvörubílar Volvo hafa nú ekið meira en 250 milljón kílómetra frá því að fyrirtækið kynnti sína fyrstu rafmagnsútgáfu árið 2019. Volvo er leiðandi á sviði rafmagnsvörubíla, með meira en 5.700 bíla afhenta viðskiptavinum í 50 löndum.
Rafmagnsvörubílaflota Volvo hefur verið ekið meira en 250 milljón kílómetra í atvinnurekstri um allan heim síðan 2019 – sem jafngildir 6.200 hringjum í kringum jörðina.
Smelltu til að skoða Volvo rafmagnsvörubíla
Ávinningur rafmagnsflutningabíla
Vöruflutningabílar standa fyrir um 5% af losun gróðurhúsalofttegunda á heimsvísu og rafmagnsdrifnir flutningabílar eru því mikilvæg verkfæri til að draga úr kolefnisspori vöruflutninga. Ef ekið hefði verið sömu vegalengd á dísilflutningabílum hefði það krafist meira en 78 milljóna lítra af dísilolíu. Með notkun rafmagnsvörubíla hefur útblástur koltvísýrings minnkað um 213 þúsund tonn.
„Það er frábært að sjá þessa þróun og hvernig flutningafyrirtæki eru farin að nýta sér ávinninginn af rafmagnsflutningabílum í daglegum rekstri. Rafmagnsbílar draga bæði úr losun og skapa þægilegra og hljóðlátara vinnuumhverfi fyrir ökumenn,“ segir Roger Alm, forstjóri Volvo Trucks.
„Við vitum þó að orkuskiptin ganga allt of hægt. Viðskiptaskilyrðin eru einfaldlega ekki nægilega hagstæð til að gera orkuskipti raunhæf fyrir öll flutningafyrirtæki. Það verður að breytast ef við ætlum að sjá fleiri rafmagnsflutningabíla á vegum.“
Stærstu markaðir Volvo fyrir rafmagnsflutningabíla eru Þýskaland, Holland, Noregur, Svíþjóð og Bandaríkin.
Rafmagnsvörubílafloti Volvo
Rafmagnsvörubílafloti Volvo samanstendur nú af átta mismunandi gerðum sem mæta þörfum í fjölbreyttum rekstri – allt frá dreifingu í þéttbýli og sorphirðu til svæðisbundinna flutninga og byggingariðnaðar.
Á sex árum hefur Volvo byggt upp mikla þekkingu á nýtingu orku, hleðslu og þjónustu við rafmagnsbíla.
Árið 2026 hyggst fyrirtækið kynna nýjan þungan rafmagnsflutningabíl með allt að 600 km drægni á einni hleðslu.
Rafmagnsbílar Volvo í boði eru:
- Volvo FL Electric
- Volvo FE Electric
- Volvo FM Electric
- Volvo FM Low Entry
- Volvo FMX Electric
- Volvo FH Electric
- Volvo FH Aero Electric
- Volvo VNR Electric
Stefna Volvo Trucks í loftslagsmálum felur í sér notkun rafhlöðudrifinna og vetnisflutningabíla, auk brennsluhreyfla sem nýta endurnýjanlegt eldsneyti, þar á meðal lífgas og vetni.
