Flýtilyklar
Volvo kynnir nýja gerð rafmagnsvörubíla með allt að 700 km drægni
Volvo Trucks hefur nú kynnt nýja gerð rafmagnsvörubíla sem marka stórt skref í rafvæðingu þungaflutninga. Með þessari nýju lausn er drægnin nú allt að 700 kílómetrrar á einni hleðslu.
Nýr Volvo FH Aero Electric er með aukinni drægni, sem byggir á nýrri e-öxul (e-axle) tækni. Sú lausn skapar meira pláss fyrir rafhlöður og gerir kleift að aka lengri vegalengdir á einni hleðslu. Nýi volvo FH Aero Electric er hannaður fyrir flutninga á lengri leiðum, sem hingað til hefur verið erfiðast að rafvæða. Með MCS (Megawatt Charging System) staðlinum er hægt að hlaða bílinn úr 20% í 80% á um 50 mínútum, sem fellur vel að lögbundnum hvíldartíma ökumanna og eykur nýtingu.
Rafmagnsvörubílalínu Volvo má skoða nánar hér:
Volvo FL Electric 100% rafmagn
Volvo FE Electric 100% rafmagn
Volvo FM Electric 100% rafmagn
Volvo FMX Electric 100% rafmagn
Volvo FH Electric 100% rafmagn
Sérfræðiþekking Veltis og Brimborgar í rafmagns atvinnubílum og atvinnutækjum
Veltir og Brimborg hafa verið í fararbroddi bíla- og tækjaumboða í rafknúnum ökutækjum og lagt mikið í þjálfun starfsmanna og uppbyggingu búnaðar til þjónustu þeirra auk uppbyggingar á hleðsluinnviðum sem henta vörubílum sérstaklega. Það tryggir hátt þjónustustig og framúrskarandi nýtingartíma rafknúinna atvinnubíla.
Samhliða þessu kynnir Volvo Trucks einnig uppfærðar útgáfur af FH, FM og FMX rafmagnsbílunum sem hafa notið mikilla vinsælda hér á landi. Þeir fá nýja drifrás sem eykur sveigjanleika í notkun, bætir aksturseiginleika og gerir kleift að knýja aukabúnað beint frá bílnum. Á sama tíma er drægnin aukin umtalsvert og nemur allt að 470 kílómetrum.
Allir nýju bílarnir eru búnir endurbættum gírkössum sem tryggja mýkri akstur, minni titring og aukin þægindi fyrir ökumenn. Þá er áhersla lögð á að viðhalda sambærilegri framleiðni og með dísilbílum, bæði hvað varðar burðargetu og notkun yfir heilan vinnudag.
Að sögn Volvo er markmiðið að gera fyrirtækjum auðveldara að skipta yfir í rafknúnar lausnir. Fyrirtækið telur að rafmagn muni gegna lykilhlutverki í flutningum framtíðarinnar og stefnir að kolefnishlutleysi árið 2040.
Nýju vörubílarnir verða teknir í notkun í áföngum á alþjóðamörkuðum frá árinu 2026.
