Flýtilyklar
Volvo Trucks Nordic undankeppnin í golfi á Grafarholtsvelli
Volvo Trucks Nordic undankeppni var haldin á Grafarholtsvelli 26 júní síðastliðinn. Boðið var upp á léttan morgunverð í golfskálanum frá kl. 07.00 og síðan var ræst út kl. 08.00.
Þrátt fyrir sólarsumarið mikla þá fór að rigna hressilega þegar keppnin hófst sem setti mark sitt á keppendur sem skemmtu sér þó vel. Hóparnir fóru síðan að týnast inn í hús um hádegi heldur blautir eftir rigninguna.
Í efstu þremur sætunum voru Stefán Sigfús Stefánsson frá Eimskip, Kjartan Sigurjónsson frá Ragnar og Ásgeir ehf, Rúnar Garðarsson frá Allrahanda GL ehf. Rúnar endaði efstur með 38 punkta og Kjartan Sigurjónsson varð í öðru sæti.
Efstu tveir keppendur Volvo Trucks Golf Nordic 2019 undankeppninnar hlutu í vinning boð um þátttöku í Volvo Trucks Nordic Final sem haldið verður á hinum glæsilega Barsebäck golfvelli, rétt fyrir norðan Malmö í Svíþjóð þann 10. september næstkomandi.
Þökkum við keppendum öllum kærlega fyrir þátttökuna.