Flýtilyklar
Volvo vinnuvélar söluhæstar á Íslandi
Sala á vinnuvélum fyrir árið 2022 gekk ljómandi vel og Volvo hjólaskóflur, hjólagröfur og búkollur eru söluhæstar á Íslandi í sínum flokkum. Alls seldi Veltir 60 vinnuvélar og búkollur árið 2022 samanborið við 38 Volvo vinnuvélar árið 2021. Mikil eftirspurn var eftir vinnuvélum og stækkaði markaðurinn um 32,9% á milli ára en söluaukning Volvo vinnuvéla var á sama tímabili 57,9%.
Veltir hóf sölu á rafknúnum vinnuvélum á árinu 2022 og er Volvo með háleit markmið um að fjölga rafknúnum atvinnutækjum á þessu og næstu árum. Við erum stolt af því að hefja þessa vegferð hér á landi og þökkum viðskiptavinum okkar traustið, fyrsta Volvo rafmagnsvélin Volvo ECR25 Electric var afhent ÍAV þann 11. nóvember 2022 við hátíðlega athöfn.
Netsala á nýjum Volvo vinnuvélum
Veltir auðveldar leit að upplýsingum um ný atvinnutæki til sölu og verð með nýjum Vefsýningarsal þar sem við bjóðum í netsölu nýjar Volvo vinnuvélar.
Nýi Vefsýningarsalurinn er opinn allan sólarhringinn alla daga ársins og þar er hægt að skoða ný atvinnutæki, hvort sem þau eru á lager eða í pöntun og áætlaðan komutíma til landsins, sjá verð og helsta búnað og senda inn fyrirspurn eða óska eftir tilboði.
Skoðaðu Volvo vinnuvélar í Vefsýningarsalnum
Mikil eftirspurn og góð verkefnastaða á spennandi tímum
"Efnahagslífið var gott 2022 sem skilar sé í mikilli eftirspurn eftir nýjum vinnuvélum og góð verkefnastað hjá viðskiptavinum okkar, margvísleg þróun til aukinnar sparneytni og aukins öryggis hvetur rekstraraðila til að endurnýja. Bjartsýni ríkir um nýtt ár sem hefur leitt til þess að pantanastaða Veltis fyrir árið 2023 fyrir nýjar vinnuvélar er mjög sterk. Sambland af frábæru starfsfólki, tryggum, kröfuhörðum viðskiptavinum, hágæða atvinnutækjum og glæsilegri þjónustumiðstöð þar sem allt er á einum stað tryggir að Vovo vinnuvélar seljast vel á Íslandi sem fyrr", segir Marteinn Jónsson framkvæmdastjóri Veltis – Volvo atvinnutækjasviðs Brimborgar.
